Найруулагч П.Лхагвадуламын анхны бүрэн хэмжээний уран сайхны кино “Сэр сэр салхи” уран сайхны кино нь Хонгконгт 2024 оны гуравдугаар сарын 10-ны өдөр зохион байгуулагдсан “Asian Film Awards 2024” наадамд оролцож, Монгол Улсаас анх удаа “Best new director”, “Best new comer” төрөлд тус тус нэр дэвшиж, “Best New Comer” номинацийн ялагчаар гол дүрийн жүжигчин Б.Тэргэл шалгарлаа.
Мөн Япон Улсын 19 дэх удаагийн Осакагийн Азийн Олон Улсын наадмын шилдэг киноны тэргүүн шагнал буюу “Grand prix” шагналыг тус тус хүртсэн. “Сэр сэр салхи” уран сайхны кино нь 2023 онд 80 дахь удаагийн Венецийн олон улсын кино наадмын “Оризонти” хэсэгт шалгарч, шилдэг эрэгтэй гол дүрийн шагналыг гол дүр Б.Тэргэл хүртэж, “Алтан арслан”-гийн эзэн болж байсан бол мөн энэхүү амжилтаа дахин бататгалаа.
Ийнхүү Монголын кино уран бүтээлч, залуу жүжигчдэд урам зориг, илтгэл найдвар төрүүлэн ирээдүйн өнгийг тодорхойлохуйц бахархам амжилтын шинэ мэдээ ар араасаа ирсэн энэ өдрүүдэд хүүхэд, залуусын үзэл санаа, хүсэл мөрөөдөл, хүч чадал, авьяас билгийн төлөөлөл болсон олон сайхан шинэ содон бүтээлээр Монголын кино уран бүтээлийн сан хөмрөг баяжиж, тив дэлхий, бүс дамнан салхилж байгаа бодит үйл явдлууд өрнөж байна.
