Үндэсний түүх, соёл, уламжлалыг түгээн дэлгэрүүлэх нь Соёлын яамны гол ажил. Харамсалтай нь Соёлын яам түүх ,соёлоо уландаа гишгэсэн үйлдэл удаа дараа гаргаж, түүнийг нь бид шүүмжилж байсан.
Энэ удаа Соёлын яамны “урагшгүй албад” хиймэл оюун ухаанаар үндэсний их баяр наадмын зургийг бүтээсэн бололтой юм. Харин алдаатай зургийг нягтлалгүйгээр яамныхаа лого тавьж байгаад цахим орчинд түгээв.
Уг бүтээл нь хоёр биш гурван гартай хүүхдийг дүрсэлжээ. Мөн наадамчин хүүхдийн дээл хувцас нь товч шилбэгүй хувцастай байгаа нь Монгол гэхэд хэцүү зураг болсныг харж болохоор байна.
Энгийн хэрэглээнд бол нүдээ аниад өнгөрөхсөн, салбарын бодлого тодорхойлдог яам нь алдаатай зургийг олон нийтэд түгээж, үндэсний бахархлыг санаатай, санаандгүй аль нэг хэлбэрээр гутаан доромжилж байгаагаас өөрцгүй үйлдэл болж байгааг олон нийт шүүмжилж байгаа юм.
Уг мэндчилгээ нь алдаатай болохыг мэдээд Соёлын яамныхан устгасан харагдана лээ.
Монголчуудын түүх соёлын дархлаа болсон соёлын өвийг ийнхүү гутаан доромжилж байгаа нь алдаа бөгөөд энэ үйлдэлдээ яамны хамт олон Монголчуудаасаа уучлалт гуйна биз ээ!!!
