Дэлхийн аваргад оролцохоор зуны амралтаараа үйлдвэрт ажиллаж буй Б.Алтанчимэг охин Азийн аваргаас хүрэл медаль хүртжээ.
Түүний хувьд өнгөрсөн тавдугаар сард болсон насанд хүрэгчдийн Холимог тулааны улсын аварга шалгаруулах тэмцээнд оролцож, тэргүүн байр эзэлсэн байна. Улмаар Азийн аварга, Дэлхийн цомын аварга, Дэлхийн аварга шалгаруулах тэмцээнд оролцох эрхээ аваад байсан.
Харин санхүүгийн асуудлаас болж тэмцээндээ явахын тулд ажил хийж байсан тамирчинд охинд “Очир дара” брэндийн үүсгэн байгуулагч, инфлүүнсер Б.Цэцэг ДАШТ-ий зардал болох 7 сая төгрөгийн бэлэглэж байсан нь саяхан билээ.
Олон түмний хайр энэрлийг хүртсэн Б.Алтанчимэг охин ийн сонирхогчийн холимог тулааны Ази тивийн аварга шалгаруулах тэмцээнд оролцсон Тайваны тамирчинг ялж Хүрэл медалын эзэн болсон баярт мэдээг дуулгасан юм.
