Б.Наранхүү гишүүн дахин нэр дэвшихгүй
“Хичээл” таслалтаараа УИХ-д тэргүүлдэг гишүүн бол Б.Наранхүү. Их хуралд хоёр удаа сонгогдсон тэрээр гишүүн байхаас залхаж, ирэх 2020 оны УИХ-ын сонгуульд нэр дэвшихгүй байхаар шийдсэн гэнэ шүү.
Тиймээс тэрээр “Дүнжингарав”-ын худалдааны төвийнхөө түрээсийн төлбөрийг огцом нэмж, түрээслэгч нараа үргээх болжээ. Мөн сонгогдсон тойрогтоо үзэгдэхээ болиод удаж буй аж.
Дашрамд сонирхуулахад, УИХ-д хоёр удаа сонгогдсон Б.Наранхүү нь 2016 онд гишүүнээр сонгогдсоноосоо хойш чуулганы хуралдаанд нэг ч удаа үг хэлж, асуулт тавиагүй, нэг ч хуулийн төсөл санаачлаагүй аж.
Мөн Б.Наранхүү нь гурван байнгын хорооны гишүүн боловч ганцхан хуралдаанд суусан нь АБГББХ-гоор Б.Хурцыг Элчин сайдаар томилох эсэх асуудлыг хэлэлцсэн хуралдаан байжээ.
