Хар амиа хоохойлж гадаад явчихаад одоо битгий гоншигно гэж хэлэх ахад хандахад:
Таны хэлж байгаа зүйлийг амьдралдаа огт бодож явсангүй ээ .
Би олон орон луу явж үзээгүй, Би хэн нэгэн даргын хүүхэд биш тань шиг л хэн нэгэн аавын хайртай охин нь.
Би бусдын л адил эх орондоо сурч боловсрон амьдарсан гэхдээ залуу хүнд маш олон хүсэл тэмүүлэл байдаг. Даан ч яадаг гээч? Монгол улсын номер нэг сургуулийг төгссөн ч онц сурлагтан байсан ч бидэнд баян айлын, эсвэл хэн нэгэн даргын л хүүхэд биш л бол мөрөөрөө урагш ахих боломж нь байдаггүй, байсан ч удаан.
Өнөөдрийн үнэлэмж Монгол улсын Их сургуулийг төгссөн , Гадаадад ямар нэг сургууль төгссөн хүн 2-ын алийг нь сонгох вэ ?
Үнэндээ гадаад улсад сурч боловсорсонг нь л авдаг, тэд илүү үнэлэгддэг. Бидэнд сэтгэл нь хүсэл мөрөөдөл нь байхад элдэв олон өндөр, шаардлагаар эх орны бүтээл болсон залуусыгаа голдог. Та нарын бидэнд бүтээж өгсөн Монголын өнөөгийн байдал, нийгэм ийм л байна? Харин бид хүсэхгүй байна!!!Ахиад дараагийн шинэ ирээдүйдээ ийм заваарсан нийгмийг өвлүүлэхийг!!!
Тиймээс ч Бид гадны оронд явж сурч боловсордог.
Гэхдээ явахдаа юу гэж бодож явдаг гээч?
Сайн сураад, мэдлэгтэй болчихоод Монголдоо ирж ажиллана даа гэж боддог.
Бас бид тэр баячуудын хүүхдүүд шиг үргэлж л сураад байдаггүй тэр боломж нь байдаггүй учир сурах ажиллах 2-ыг хослуулж сурдаг, ажлаар ирсэн ч байсан та нарын бодож байгаа шиг нэг л ажлаа хийгээд зугаалж цэнгээд явдаггүй. Олон ажлыг зэрэг хийж сурдаг.
Харин ч эсрэгээрээ бүгд гадаадад ирэхээрээ эх хүн шиг болдог юм билээ. Ээж хүн өнгөтэй, мөнгөтэй болохоороо харсан үзсэн болгоноо хүүхэддээ авч өгөх юмсан, энэ манай хүүхдэд таарах байхдаа, энэ манай хүүхдэд хэрэгтэй дээ гэж боддог шиг бид харсан үзсэн болгоноо энэ Манай Монголд байвал гоёдоо, энийг эх орондоо аваачих юмсан, энийг нэг сайн сурчихаад эх орондоо хийх юмсан .
Ийм л бодлууд төрдөг. Ямар ч эх хүн үр хүүхдээ гэдэг шиг ямар ч хүн эх орно оо л гэдэг.
Бие минь холдсон ч сэтгэл минь үнэхээр холдож байсан удаа байхгүй ээ . Хүний нутагт миний нэр ганц миний нэр биш дагаад ээж аав, эх орны минь нэр явдагийг дэндүү сайн ойлгосон. Үүнийг л эрхэмлэж явдаг шүү.
Танд ахиад хэлье. Жинхэнэ эх оронч залуус чинь гадаад улсад сурч, амьдарч байдаг юм шүү…
Бид эргээд очно Монголдоо.
Г. Эрдэнэзул
Япон улс Токио хот
