Эрүүл мэндийн яамнаас Сovid-19 халдварын нөхцөл байдлын талаар цаг үеийн ээлжит /2021.02.05/ мэдээллээ хийлээ.
ХӨСҮТ-ийн Тандалт судалгааны албаны дарга А.АМБАСЭЛМАА:
Улсын хэмжээнд өчигдөр /2021.01.04/ нийт 14.283 сорьцод шинжилгээ хийхэд 38 хүнээс Сovid-19 илэрлээ. Тэдний 25 нь “”Арьс шир” компанийн ажилтнууд юм. Шинээр батлагдсан тохиолдлууд нь бүгд Улаанбаатар хотод бүртгэгдсэн.
Сүүлийн үед халдварын тохиолдол маш их бүртгэгдэж байгаа тул хавьтлын тоо өндөр байна. Тэгэхээр ойрын хавьтлуудаас Сovid-19 илэрч байна. Мөн таван тохиолдлыг судалж байна. Улаанбаатарт Сovid-19 халдварын нийт 1092 тохиолдол бүртгэгдлээ. Бусад аймагт өвчлөл бүртгэгдээгүй.
Халдвар гэр хороолол, нийтийн байранд амьдардаг иргэдээс илэрч байна. Хамгийн идэвхтэй голомтууд нь “Арьс шир” ХХК, өчигдөр 18 хүнээс илэрсэн бол өнөөдөр 25 хүн болж нэмэгдээд байна. Мөн X апартмент хотхонд нийт 13 тохиолдол, банк бус санхүүгийн байгууллагатай холбоотой гэр бүлийн үргэлжилсэн халдварууд нэмэгдэж байна.
