“Тан руу нүүж явна” киноны Жаргалын дүрд тоглосон жүжигчин, яруу найрагч, сэтгүүлч Р.Гэрэл СТА цолоор шагнуулжээ.
УБДС-ийг жүжигчний мэргэжлээр төгсөөд Төрийн шагналт зохиолч С.Оюуны “Тан руу нүүж явна” туульсын бүтээл болон “Гул Аранжин” киноны гол дүрд тоглоод, Уралын их сургуульд сэтгүүлчээр сурч, Москвагийн их сургуульд доктор хамгаалсан Р.Гэрэл наяад оны яруу найргийн охин тэнгэрүүдийн нэг юм.
Ирлэсэн тонгорог мэт хурц авьяастай яруу найрагч, жүжигчин, сэтгүүл зүйн доктор, эрээн бараан энэхэн орчлонд эмэгтэй хүнд ихдэм авьяас, үзэсгэлэн, ухаан цогцолсон энэ эмэгтэйгээр үнэхээр бахархдаг.
Шагнал нүдээ олно гэж, хэдий оройтсон ч гэсэн эзнийхээ энгэрийг мялаан, сэтгэлийг нь урмаар тэтгэсэнд нэн их баярлаж байна.
