Хүндийн өргөлтийн Ази тивийн аварга М.Анхцэцэг хөөрхөн царайлаг, хүчтэй бяртай бүсгүй. Эрчүүдийн спорт гэж хэлж болох хүнд төрөлд хүч үзэж яваа хөөрхөн тамирчин бүсгүй, урлагийнхан, уран гимнастикийн тамирчин бүсгүйгээс илүүтэй олны анхаарлыг татдаг.
ДАШТ-ий хошой хүрэл медальт тэрээр хэдхэн хоногийн өмнө “Ташкент-2021” хүндийг өргөлтийн Ази тивийн аварга шалгаруулах тэмцээний эмэгтэйчүүдийн 87 кг-ын жинд хүрэл медаль хүртсэн.
Нийлбэр дүнгээр 273 кг-ыг өргөсөн түүний амжилтын ард түүний нөхөр жүжигчин Б.Золжаргал байгаа. Тамирчин эхнэрийнхээ бие, сэтгэлзүйг үргэлж дасгалжуулдаг түүнийг маш халамжтай хань гэдгийг ойр дотныхон нь хэлдэг.
Жүжигчин Б.Золжаргалын хувьд УДЭТ-ийн ирээдүйтэй залуу жүжигчин “Драмын 3”-ын нэг гэх залуу тодотголтой.
Б.Золжаргал, М.Анхцэцэг нар дундаасаа бяцхан хүүтэй бөгөөд хүү нь энэ жил 3 нас хүрч буй. ОУСМ М.Анхцэцэгийг нярайлаад удаагүй байхад түүний хань эхнэрийнхээ биеийг тэнхрүүлээд Токиогийн олимпод хүч үзэхэд нь чадахаараа дэмжинэ гэдгээ илэрхийлж байсан билээ.
