Өнөөдөр Монгол генералуудын өдөр. Анх 1944 оны дөрөвдүгээр сарын 28-ны өдөр БНМАУ-ын Ардын сайд нарын зөвлөлийн тогтоолоор Ю.Цэдэнбал, Ж.Лхагвасүрэн тэргүүтэй 11 хүнд цэргийн дээд генерал цол олгосон түүхтэй.
Түүнээс хойш жил бүрийн энэ өдөр цэргийн дээд генерал цол олгож эхэлсэн өдрийг тэмдэглэж, төр засаг алтан мөрдөстөн-генералуудад хүндэтгэл үзүүлдэг уламжлал тогтсон байна.
Эдүгээ Монгол Улсын хэмжээнд зэвсэгт хүчин, цагдаа, онцгой байдал, тагнуул, хилийн цэрэг, шүүхийн шийдвэр гүйцэтгэх байгууллагуудаас 200 орчим генерал цолтон төржээ.
Цэргийн дээд генерал цолтон төрсөн энэ өдөр генералуудад хүндэтгэл үзүүлэх арга хэмжээ зохион байгуулдаг байсан бол энэ жил цар тахлын шалтгаант хатуу хөл хориотой таарч буй учир нийтийг хамарсан арга хэмжээ зохион байгуулахгүй юм.
