Нэгэн цагт ШӨХТГ-ийг “амь” оруулж, ийм газар байдаг юм уу гэж иргэдийг уулга алдуулж байсан хүн бол О.Магнай.
Улс төрийн замналаа тэртээ 15 жилийн өмнө эхэлж байсан түүнд парламентэд суух хувь дутдаг ч, УИХ болон Ерөнхийлөгчийн сонгуулийн үеэр гэнэтхэн ичээнээсээ гарч ирдэг.
Хамтдаа талбай дээр тэмцэж явсан Батзандан, Уянга энтэр нь хэдийнээ Төр түшилцээд үзсэн учир шар хор нь арилж тэр бүр УИХ-ын сэнтийд санаархахаа больсон.
Харин мань хүн зүрхний чанадад дахь нууцхан хүслээ биелүүлчих санаатай, ийнхүү гарч ирдэг үгүйг хэн мэдлээ.
Өдгөө 40 насыг хол гарсан тэрээр 2016 оны УИХ-ын сонгуулийн дараахан Зууны манлай Б.Сарантуяатай хамтран амьдарч байгаа сураг байсан. Гэхдээ тэдний харилцаа удаан үргэлжлээгүй бололтой тэгсхийгээд нам гүм болсон.
Сонгуулийн үеэр гэнэтхэн гарч ирдэг О.Магнай гэрлээ болов уу, яагаа бол гэх асуулт хүүхнүүдэд байдаг хэвээрээ гэсэн шүү…
