Увс аймгийн ИТХ-аас энэ жил 12-р анги төгсөж байгаа 1124 хүүхдийг Элсэлтийн ерөнхий шалгалтдаа бэлдэхэд нь зориулж ДАТА олгож эхэлсэн байна.
Мөн аймгийнхаа 15 сургуулиас хамгийн чадварлаг 76 багшийг сонгон 12-р ангийн сурагчдад цахимаар хичээл заалгаж байгаа аж.
Сурагчдын хичээл энэ сарын 26-ны өдрөөс эхлэсэн бөгөөд ирэх 6-р сарын 7 хүртэл 6 долоо хоногийн турш үргэлжилнэ. Цахим хичээлийг ЭЕШ өгдөг 10 судлагдахуунаар явуулах бөгөөд нэг удаагийн цахим хичээлийн үргэлжлэх хугацааг 80-120 минут байхаар аймгийн БСУГ-аас хөтөлбөр гаргажээ.
Сурагчдыг ЭЕШ-даа бэлтгэхэд нь зориулж аймгийн ИТХ-н 41 төлөөлөгчид хувиасаа зардыг нь дааж ДАТА-ны төлбөрийг шийдэж өгч байгаа аж. Тэдний зүгээс энэ жилийн ЭЕШ-ийн шалгалтад улсын хэмжээнд Увс аймгийн сурагчид хамгийн өндөр оноог авахыг хүсч байгаа гэнэ.
