Түүний номын санд 1688 онд хэвлэгдсэн Historie des deux conquerans Tartares гэдэг ном байдаг. Хамгийн үнэтэй нь Бичурины “Записки о Монголiи”.
Энэ ном одоо Shapero гэдэг хуучин номын худалдааны компанийн вэб сайт дээр 9500 фунтын үнэтэй зарагддаг аж.
“MCS” группийн Дэд ерөнхийлөгч “Шарк” Д.Энхтүвшин гэртээ 40 м2 талбайг эзлэх номын сантай ажээ.
Энэхүү өрөөгөө 3 хэсэгт хуваасан бөгөөд Нэгдэх нь түүх, урлагтай холбоотой, 2 дахь нь бизнес, эдийн засаг, улс төр, буддын гүн ухаантай холбоотой, 3 дахь нь уран зохиолын номоо хадгалдаг аж.
Эрхэм “Шарк” гэр бүлээрээ номын хорхойтой гэнэ.
Тэрээр ихэвчлэн бодит үйл явдал, баримт, логик дээр үндэслэсэн эсвэл түүхэн ном зохиол уншдаг аж. Гэхдээ сүүлийн үед уран зохиолын ном илүү сонирхох хандлагатай байгаа гэсэн шүү.
Тэрээр шинэ ном худалдан авахдаа тухайн үедээ судалж, сонирхож байгаа сэдвээсээ шалтгаалж ерөнхий сонголтуудаа хийгээд, дараа нь Goodreads, Blinkist, Instaread зэргээс номын гол агуулга болон хүмүүсийн үнэлгээ, сэтгэгдлийг нь харж байгаад бүтнээр нь унших эсэхээ шийддэг. Эсвэл шинэ авсан номнуудаасаа сонгож уншдаг юм байна.
