Сошиал од О.Осоржамаа сүүлийн үед нам жим байгаа. Тэгвэл тэрээр өөрийг нь ОД болгосон пэйж хуудсаа заржээ. Мөн эхнэр авч, ар гэрээ төвхнүүлэхээр ханцуй шамлан оржээ.
Энэ тухайгаа тэрээр “Хогийн бараа Хархорин зах дээр зардаг байлаа. Бункер ухдаг үе ч надад байсан. Гэхдээ 3000 төгрөг олдог л байлаа. Сүүлдээ өөрийнхөө өмсдөггүй хувцаснуудаа зарж, мөнгө олдог болов. Өвөл ч байсныг хэлэх үү. Зарим нь бүр идэж байгаа хоолоо над руу шидээд “Наадахаа гудар” гэдэг байсан. Гэхдээ би шантраагүй, тэр хүмүүс намайг хурцалсан. Шөнө хогийн бункер ухна. Олсон юмаа гэртээ авчирч зараад, өглөө зах дээр гарч зарна. Гэхдээ энэ зөвхөн эхлэл байв. Та нарт хандаж хэлэхэд, хүнийг хүн ёсоор нь авч үзэж байгаарай. Гаднах хувцаслалт юуг ч өгүүлэхгүй. Би одоо сайхан амьдарна аа. Би эхнэртэй болсон. Удахгүй хүүхэдтэй ч болохоор шийдсэн. Та нар харж байгаарай. Тэр дундаа намайг гоочилдог хүмүүс. Хүн яаж амьдардагыг өөрөөрөө үлгэрлэнэ” гэжээ.
Түүний хувьд энэ жил 24 настай. Өөрийнхөө үзэл бодолд үнэнч гэдгээ хаана ч илэрхийлдэг. Хуучин 145 мянган дагагчтай пэйжээ зарсан ч, дахин шинэ пэйж нээж байгаа гэсэн шүү.
