“Би чамд хайртай” уран сайхны киноны Үрлээгийн дүрээр үзэгчдийн зүрх сэтгэлд хоногшсон жүжигчин С.Пүрэвмаа өдгөө загвар зохион бүтээгч, бясалгагч, сэтгэл зүйч бясалгагч, цагаан хоолтон болсон. Тэгвэл тэрээр хаврын ядаргаа тайлах нууц жороо цахим сүлжээний найзуудтайгаа хуваалцжээ.
Тэрээр “Хаврын халгай ядаргаа тайлах ид шидтэй. Халгайн хандыг бүх төрлийн ужиг хууч, биеийн эсэргүүцэл суларсан үед монголчууд өргөн хэрэглэж ирсэн уламжлалтай.
Витамин С-г нөхнө: Хавар хоолондоо нялх халгай хэрэглэж байвал Витамин С-г нөхдөг.
Халгайн ханд бэлдэх: Аяга буцалсан халуун усанд 1 ц/х нунтаг халгай хийж идээшүүлээд хөрсний дараа х/х-аар өдөрт 4 удаа ууна.
Шинэхэн ургаж байгаа эмийн, ургамлуудын хоргүйжүүлэх үйлчилгээ нь гайхалтай сайн байдаг. Үүнд-нялх халгай болон багваахай цэцгийн навч яргуй, хусны шинэхэн навч орно” гэжээ.
