Б.Жигжид сайдын жигтэй хөөрхөн охин өдгөө шүдний гоо сайхны салбарыг базаж явна цаана чинь. 90-ээд оны үеэр охид дунд онцгойлон тодорч, “Монголын сайхан бүсгүй” тэмцээний есөн эрдэнийн нэгээр шалгарч, Анагаахын хөөрхөн охидын тоонд эрхгүй толгой цохидог байсан Ж.Билгээ “Digital Dental office” эмнэлэгтээ эзэн сууж, охидоо шүдний эмчээр мэргэшүүлж буй адтай нэгэн.
Том охин Б.Орхон хэдийнэ сургуулиа төгсөж, эмч болохоор төлөвшиж эхэлжээ. Тэрээр Төрийн нарийн бичгийн дарга асан Б.Баярсайханы том хүүтэй суусан. Харин бага охин Б.Тэмүүлэн нь Ньюс агентлагийн Г.Анархүүтэй дэр нэгтгэж байснаар нь олон хүмүүс мэднэ. Өдгөө тэд тус тусынхаа замаа хөөж, хоёул шинэ онтой зэрэгцэн шинэхэн хүүхдээ өлгийдөж авсан байдаг. Ийм л шид нь бүрдсэн мэт үзэсгэлэнтэй охидтой Ж.Билгээ хатагтай тун чиг аатай амьдарч байна даа.
50 гарсан энэ хатагтай таван хүүхэдтэй гээд бодчих. Хэрхэн анагаахаар мастер хийж, хажуугаар нь хүүхдээ төрүүлж, гоо үзэсгэлэнгээ ч хадгалж, бүр болоогүй шүдний эмнэлгээ хүртэл байгуулчихдаг байнаа гэж биширч, битүүхэн атаархах хүн олон гэдэг. Сайн ханьтай, өндөр боловсролтой эмэгтэйчүүд л түүн шиг амьдарч мэдэх юм.
Ж.Билгээ хатагтай өөрийн үзэсгэлэнт охидтойгоо загварын бүсгүйчүүдээс ялгарахгүй брэндийн нүүр царай болох нь их. Төрсөн хэрнээ зурсан юм шиг тэдний гоо үзэсгэлэнг бишрэх хүн олон.
Ингэхэд мисс бүсгүйн нөхөр Ж.Батцэнгэл, хуульч мэргэжилтэй, буурал үсээр имиж бүрдүүлсэн буурь суурьтай эрхэм бий.Өнгө зүсээрээ гайхуулах үзэсгэлэнт охид нь төвшин сайхан амьдарч элэг бүтэн буйд Б.Жигжид сайдын хүүхдүүдээ өв тэгш хүмүүжүүлсэний ач тус гэж хүмүүс ам сайтай байх юм билээ.
