Үндэсний үйлдвэрлэгч Мишель&Амазонка өвлийн олимпд оролцох тамирчдын хувцасыг танилцуулав. Энэ үеэр дээлний загвар танилцуулагдсан бөгөөд энэ нь цахим орчинд “хүний хувцас өмссөн юм шиг”, “Өвөрмонгол дээл шиг” гэх мэт олон шүүмжлэл дагуулж байна.
Тухайлбал, хэр баргийн зүйлийг шүүмжилдэггүй явдаг нэвтэрхий толь гэгдэх Г.Ганхүү уг загварыг шүүмжилсэн юм.
Тодруулбал, Г.Ганхүү өөрийнхөө цахим орчинд “Би аливаа зүйлийг нэг их шүүмжлээд байдаггүй гэхдээ энэ бол биш байна шүү ялангуяа гутал.
Уучлаарай Michel & Amazonka.
Бүх юм дээр заавал дээл байх албагүй шүү дээ, жишээ нь Италичууд юм л бол Ромын баатруудын хувцас өмсөөд байдаггүй шиг энэ удаад жоохон орчин үелэг байвал яасан юм бэ…
Миний л бодол шүү.” Хэмээжээ.
Үүнээс гадна Өвөрмонгол дээлтэй харьцуулсан зураг цахим орчинд байршуулан “Дээл гоё уу гоё. Монгол үндэстний хувцас мөн үү мөн. Гэхдээ яг энэ дээлний тухайд арай л биш. Учир нь өнгө сонголт, дээлний эмжээр, хормойн өргөн, бүс болон өлзий хээ хуарыг сайн хар!!!
Хурганы арьс нь хүртэл хиймэл хужаа арьс!!!
Өвөрмонголчууд л ийм дээл өмсдөг, үндэсэрхэг монголчууд та нар сайн хар. Хартайдаа биш хаа байгаа олон улсын түвшинд улс эх орноо сурталчилж байгаа учир ингэж бухимдаад ийм лав биш гээд байгаа юм!!!
Бээжингийн өвлийн олимпоор биднийг Өвөрмонголтой ялгагдахын аргагүй, цаад санаа нь Хятадын хараат, харъяат гэж харагдуулах, сэтгэгдэл төрүүлэх зорилготой юм шиг ийм дээлэнцэр өмсгөх хэнд хэрэгтэй, ашигтай вэ???
Бод, бод!!! Энэ өнгө, загвар яах аргагүй өвөрлөгч. Заавал дээл өмсгөмөөр байгаа бол зүгээр л энгийн монгол дээл байхад л болох байхад шүү” гэх зэрэг шүүмжлэл өрнөсөөр байна.
