Нэгэн хөгжлийн бэрхшээлтэй, хэлгүй дүлий ууланд аялагч залуу болох Мөнгөндалай соло аялал хийж Хөвсгөл аймагт орших Мөнхсарьдаг хайрханы оргилд гарсан байна.
Тэрээр оргил дээр гарсныхаа дараа бичлэг хийж, сэтгэл хөдлөлөө илэрхийлсэн бөгөөд дохионы хэлээр ярихдаа “Үүрээр 4 цагт дээшээ авиралт хийж эхэлсэн бөгөөд маш их шуургатай байсан. Цаг агаарыг үл ажран энэ оргилд авиралт хийж, өөрийгөө ялан дийлсэндээ маш их баяртай байна. Тиймээ би чадлаа. Одоо би буух гэж байна” хэмээн нулимс дуслуун ярьжээ.
Мөнхсарьдаг нь Соёны нурууны ноён оргил бөгөөд далайн түвшнөөс дээш 3,491 метрт оршдог. Буриад болон Хөвсгөл нутгийн хамгийн өндөр цэг гэдэг.
Соёны нуруу нь бүхэлдээ эртнээс Монголын нутаг дэвсгэр байсан юм. Энэ ч утгаараа Д.Нацагдорж гуай Миний нутаг шүлгийнхээ эхний бадагт:
„Хэнтий, Хангай, Соёны өндөр сайхан нуруунууд
Хойт зүгийн чимэг болсон ой хөвчийн уулнууд…” хэмээн өгүүлдэг.
