Загварын ертөнцөд тод гялалзах од бүсгүй бол Ю.Балжидмаа. Хоёр жилийн өмнө бизнесмэн Г.Анархүүтэй амраглаж, Аатөр хэмээх хүү төрүүлсэн ч, хүүгээ аав дээр нь үлдээж ганц бие бүсгүйн амьдралаар амьдрах болсон тэрээр олны нүднээс хол байх болсноор удаж буй.
Тэгвэл тэрээр цахим ертөнцөд “Gremix” нэрээрээ алдаршсан Монголын хамгийн амжилттай сошиал контент бүтээгчдийн нэг “Youtube-чин” М.Ганбаяртай дахин болзож эхэлсэн бололтой. Өөрсдийн цахим хуудаснаа “Гоёлын даашинз” киноны гол дүрүүдээр ижилсэн, харилцаагаа далд бус хэлбэрээр илэрхийлсэн байна. Топ модель Д.Пүрэвсүрэн, жүжигчин Б.Одбаяр нарын тоглосон тус кинонд залуусын хайр дурлал, хүүхэд залууст сургамж өгөх, ухаарал хайрлахад чиглэсэн хөгжимт, инээдмийн үйл явлууд гардаг. Ю.Балжидмаа Д.Пүрэвсүрэнгийн зургийг ковер хийсэн бол, Gremix түүний дурлалт залуу жүжигчин Б.Одбаярын зургийг ковер хийж “хосолжээ”.
Ташрамд дуулгахад, Gremix Ю.Балжидмаа нар 2017 онд хэсэг хугацаанд болзож байсан. Гэвч загвар өмсөгч Ю.Балжидмаа Г.Анархүүтэй романс үүсгэснээр тэд харилцаандаа цэг тавьсан түүхтэй.
