“ХТүц” продакшнаас уран бүтээлийн гараагаа эхлэж өдгөө “Мөрөөдлийн театр”-д жүжигчнээр ажиллаж яваа даруухан Ч.Баярмаа тэр бүр хэвлэлээр гараад байдаггүй нэгэн.
Өнгөрсөн жилийн өдийд анхны үрээ өлгийдөж авсан тэрээр бүтэн жилийн хугацаанд бяцхан “зулзага”-аа өсгөн нам гүм амьдарч байсан. Харин саяхнаас урлагтаа эргэн ирж, энд тэндэхийн шинэ жилийн үйл ажиллагааг хөтлөх болжээ.
Тэрээр ханьтайгаа таван жилийн өмнө танилцсан гэдэг.
Нэгэн хэсэг Мөрөөдлийн театрын захирал, жүжигчин Эрхэмбаярын нууц амраг хэмээгдэж олонд чичлүүлж байсан. Цаг хугацаа тэднийг янаг амрагийн холбоогүй байсан гэдгийг батална.
Ч.Баярмаа үеийн жүжигчдээсээ онцгойрч ялгарсан гоц авьяасгүй ч өөрт оногдсон дүрээ хөнгөхөн аваад гарчихдаг бөгөөд суурьнаас нь өдийг хүртэл Мөрөөдлийн театртаа үнэнчээр зүтгэж буй эмэгтэй юм.
