Цар тахлын улмаас монголчууд бид хоёр жилийн турш шинэ жилийн баярыг “алгасаж”, гэр бүлээрээ шинэ оноо угтаж байв. Харин энэ жил албан байгууллага, найз нөхөд бүр өөрийн хүрээлэлдээ шинэ жилийн баярыг тэмдэглэж байна. Үүнтэй холбоотойгоор өвлийн өвгөн цасан охид хамгийн эрэлттэй “бизнес” болсныг хэлэх нь зүйтэй.
Тэгвэл энэ охины хамгийн ХАЛУУХАН, охид бүсгүйчүүдийн харцыг булаасан өвлийн өвгөнөөр МУГЖ П.Эрдэнэзаан тодроод байна. Түүний цасан охид бусад охидоос илүү гоо үзэсгэлэнтэй, харин өвлийн өвгөн нь жинхэнэ COOL өвөө болсныг түүнийг “түрээслэсэн” байгууллага хамт олныхон ам булаалдан ярих аж.
Хамгийн сүүлд гэхэд л, өчигдөр загварынхны шинэ жил дээр COOL өвлийн өвөө өөрөө бүжиглэж, агаарын үнсэлтийг “хүүхдүүддээ” илгээж байгаа бичлэг сошиалд цацагджээ. Энэ тухай топ модель О.Уянга өөрийн цахим хуудаснаа “Хоёр жилийн гэрээсээ гараагүй өвөө бүжиглэнэ гэж…” хэмээн бичжээ.
