УИХ гишүүн Н.Учрал болон түүний аав “Их засаг”-ийн Ням-Осор нарын төрсөн өдөр өнөөдөр тохиож байна. Учрал гишүүний дүү Ундрал өөрийн цахим хуудаснаа:
Н.Ундрал: Өнөөдөр гэр бүлийн маань хоёр ноён нуруу аав, ах хоёрын минь төрсөн өдөр тохиож байна. Хайртай аавын минь баяр дээр баяр болж ах минь энэ хорвоод ирсэн.
Аав минь өөдрөг үзэлтэй, эерэг, хайраар дүүрэн хүн. Багаасаа эхлээд аавынхаа болохгүй бүтэхгүй, үгүй гэж байхыг сонсож байсангүй. Аавынхаа дэргэд байхад надад хэцүү зүйл амархан санагддаг. Уул шиг түшигтэй Ухаант аавдаа нарт хорвоод мэндэлсэн өдрийн мэнд хүргэе.
Би хэзээ ч ганцаардаж, айж, гуниглаж явсангүй миний хажууд намайг түшиж, тулах, хамгаалах хайрт ах минь байдаг. Би багаасаа ахынхаа улаан фэн нь. Ах маань миний амьдралын аядол. Би багаасаа л ахаараа онгирч ирсэн юм.
Бахархал минь болсон хайрт ахдаа хорвоод мэндэлсэн хосгүй баярт өдрийн мэндийг хүргэж хамгийн сайн сайхныг хүсэн ерөөе гэжээ.
Н.Учрал гишүүний эхнэр “Эмэгтэй хүн амьдралдаа 2 сонголтыг хамгийн зөв хийх ёстой гэж би боддог. Тэр нь мэргэжил болон ханиа сонгох сонголт болов уу. Миний хувьд зөв мэргэжил сонгож боловсрол эзэмших хүсэл мөрөөдлийн замд түүнтэйгээ учирч миний 2 сонголт ган мэт бат бөх бэхэжсэнд хувь заяандаа үргэлж баярлаж явдаг.
Тэр минь эмээгийнхээ халамжинд өлгийдүүлж, ээжийнхээ энгэрт торниж, эмэгтэй дүүгээ энхрийлж өмгөөлж хамгаалж, тэднийхээ халуун хайранд өссөн болоод ч тэр үү ямагт эмэгтэй хүнийг хүндлэх, ойлгох, эелдэг сайхан харьцах хүнлэг уяхан чанар түүнээс минь нэвт гэрэлтдэг. Тиймээс чи минь миний зүрх сэтгэлийг татаж энэ амьдралын минь нандин Учрал болон наддаа ирсэн.
Урд минь бус
Ард минь биш
Үргэлж хажууд минь алхдаг чамдаа төрсөн өдрийн халуун дотно мэндийг хүргэе! Хайртай шүү” гэжээ.
