Урд хөрш хилээ хаагаад хэдэн сарын нүүр үзэж буй. Үүнтэй зэрэгцэн хүнс, өргөн хэрэглээний бараа бүтээгдэхүүний үнэ ханш 1-3 дахин нэмэгдээд буй.
Тэгвэл урд хөршөөс орж ирдэг гялгар уут, скоч, пластик сав баглаа боодол, сэтгүүлийн хэвлэлийн цаас будаг, мод нүүрс түлээний шуудай хомсдолд ороод байна. Гэр хорооллын иргэд модыг шуудайгаар нь авахаа больж, боодлоор авдаг болжээ.
Мах гурил, хүнсний ногоогоо үндэсний үйлдвэрээсээ хэрэглэж буй бөгөөд бусад бараа бүтээгдэхүүн хойд хөршөөс орж ирж буй. 
Мөн хувцас бүс бараа Турк болон европоос нугалсан үнээр орж ирэн борлуулагдаж байна. Үүнд зарим иргэд “хятадын бүтээгдэхүүнийг зах зээлээсээ шахлаа” хэмээн таатай хандаж буй. 
Харин бизнес эрхлэгчид “борлуулалт буурсан, барааны төрөл зүйл цөөрсөн, хилээ хурдан нээгээсэй” гэцгээж байна.
Модыг шуудайгаар нь авдаг үе ард үлдэж, боодлоор авдаг цаг иржээ
Нийтэлсэн: Эрхэм админ
