Одоогоос 8 жилийн өмнө Монголын анхны “Тэргэнцэртэй сайхан бүсгүй шалгаруулах тэмцээн болж, тэргүүн миссээр Д.Цолмон гэх энэ бүсгүй шалгарч байв.
Гоо үзэсгэлэн, авъяас билгээрээ ялгарч анхны тэргэнцэртэй миссийн титмийг авч байсан Д.Цолмон өчигдөр болсон “KHOS MASTER HAIR COUTURE SHOW”-ны хүндтэй зочдын эгнээнд сууж харагдана лээ. Өдгөө айлын эзэгтэй, бяцхан үрсийн ээж болсон тэрээр гоо сайхнаа огт алдаагүй байгааг манай сайтын гэрэл зургийн дурангаас харж болно.
Тэрээр 2005 онд нуруу нугасны хавдраас болоод тэргэнцэр дээр суусан юм. Үүнээс өмнө бүжиглэдэг байсан бөгөөд өдгөө тэргэнцэр дээрээсээ ч бүжиглэж байгаа юм. Тэрээр 2013 онд болсон Монголын Паралимпийн XIII Их наадмаас 1500 метрийн марафонд алтан медаль авчээ. 
2009 оноос л тэмцээн уралдаанд маш идэвхтэй байсан тэрээр анхны хүүхдээ төрүүлтэлээ жил бүр л тэргэнцэртэй марафонд оролцож байжээ. Мөн муухан хуурчаас илүү морин хуур тоглодог юм билээ.
