“Шарк Танк” шоу нь дэлхийн 30 гаруй улс оронд амжилттай хийгдсэн бизнесийн номер 1 реалити шоу нэвтрүүлэг юм.
Энэ шоу нь оргилуун их хүсэл тэмүүлэлтэй бизнес эрхлэгчдийн мөрөөдлөө биелүүлэх, санхүүжилтээ бий болгох газар боловч оролцогчид маань эхлээд шаркууд буюу хөрөнгө оруулагчдыг өөрсдийн төлөвлөгөөндөө итгүүлэн үнэмшүүлэх хэрэгтэй болно.
Харин Шаркууд тухайн бизнест хөрөнгө оруулалт хийх эсэхээ өөрсдөө шийдэх болно.
“Шарк Танк Монгол” шоуны шинэ улиралын дугаарт Д.Бадрал гэх боловсон, царайлаг залуу оролцож буй. 
Өдгөө дөнгөж 37 настай хэрнээ банк санхүүгийн салбартаа тэргүүлэгч, бизнесийн салбарт цахиур хагалагч, шинийг санаачлагч, залуу үеийн төлөөлөл шилдэг банкир гэгддэг. Түүний хувьд тун гэр бүлсэг нэгэн бөгөөд цаг зав гарвал хүүхдүүдтэйгээ цагийг өнгөрүүлэх дуртай гэдгээ нэвтрүүлгийн үеэр хэлсэн.
Олон улсын банк санхүүгийн салбарт тасралтгүй 18 жил ажилласан туршлагатай нэгэн бөгөөд дэлхийд үнэлэгдсэн залуу бизнесмений хувьд хүүхдэд маш их хайртай гэнэ.
Түүний мөрөөдөл хүүхдийн асрамжийн газартай болох гэсэн шүү.
