Хууль зүй, дотоод хэргийн сайд Х.Нямбаатар өнгөрөгч 2020 онд Монголын боксын холбооны ерөнхийлөгчөөр сүр дуулиантайгаар сонгогдсон.
Гэвч мордохын хазгай гэгчээр амнаасаа унагасан үг нь шүүмжлэл дагуулж, холбооны хурлын дараах хоолонд оролт нь зодоон нүдээн болсон гээд хэл ам тасрахгүй өнөөдрийг хүрсэн билээ.
Тэгвэл Хууль зүй, дотоод хэргийн сайд Х.Нямбаатар “давхар дээл” болох Монголын боксын холбооны ерөнхийлөгчийн ажлаа аргагүйн эрхэнд буюу шахаанд орсны улмаас өгөхөөр болсон гэх мэдээлэл байна.
Харин түүний орыг залгах хүн нь Ц.Бат-Энх ажээ. МАН-ын угшилтай, Симба Батаагийн дүү гэдгээрээ олны анхааралд өртөж байсан тэрбээр одоо Эрдэнэт ТӨҮГ-т “хурган” дарга хийж байгаа аж.
Уг мэдээлэл хэр үнэний ортой эсэхийг мэдэхгүй юм. Ямартай ч ийм шуум байгааг дуулгалаа. Үнэн худлыг нь цаг хугацаа харуулах биз ээ…
