Сар шинэ болоход хэдхэн хоног үлджээ. XVII жарны “Буян үйлдэгч” хэмээх усан бар жилийн хаврын тэргүүн сарыг угтаж Монгол Улсын Ерөнхийлөгч зарилга гарган МҮОНРТ-ийн нэвтрүүлэгч, Соёлын гавьяат зүтгэлтэн Ш.Бямбацогт агсны гэр бүлд гурван өрөө байр олгохоор болжээ.
Талийгаачийн хувьд өнгөрсөн оны долдугаар сард өвчний улмаас таалал төгссөн.
Тэрбээр Хэнтий аймгийн Бор-Өндөр суманд төржээ. Ерөнхий боловсролын сургуулиа дүүргэн, Радио, телевизийн улсын хороо буюу Монголын үндэсний олон нийтийн радио телевизид туслах найруулагчийн туслахаар ажлын гараагаа эхэлж, МҮОНРТ-д нэвтрүүлэгчээр тогтвор суурьшилтай ажилласан юм.
Түүний хөдөлмөр бүтээлийг төр засгаас өндрөөр үнэлж 2017 онд Монгол Улсын Соёлын гавьяат зүтгэлтэн цол хүртээж байв.
