УИХ-ын гишүүн Г.Амартүвшин Хөгжлийн банкны Гүйцэтгэх захирлаар ажиллаж байхдаа томоохон дүнгүүдтэй зээлийн гэрээ зурсан нь анхаарал татдаг. Тодруулбал ажиллаж байх хугацаандаа Хөгжлийн банкнаас гаргасан томоохон зээлүүд дунд УИХ-ын гишүүн Г.Дамдинням, Х.Ганхуяг нарын хамаарал бүхий “Вертекс майнинг партнер” ХХК 33 тэрбум төгрөгийн зээл авсан байдаг.
Г.Амартүвшин, Г.Дамдинням, Х.Ганхуяг нар нь эдүгээ УИХ-ын лобби бүлэг үүсгэж, “попорч” болох бүх сэдвүүд дээр дуугарч яваа шинэ гишүүд юм. Тэд үүнийгээ зохих ёсны дагуу авсан зээл хэмээсэн.
Тэгвэл Х.Ганхуяг гишүүн өөрийн цахим хуудаснаа “Хөгжлийн банкнаас би аваагүй юм шүү. Манай эгчийн компани. Гэхдээ асуудал гарвал би төлөлцөнөө. Хэвийн ангилалдаа явж байгаа. Барьцаа нь нэг төгрөгт гурван төгрөгний барьцаа буюу 95 тэрбумын барьцаатай. Энэ зээл авсан компаниа байгуулагдаад 10 жил болж байгаа. Би гишүүн болоод 2 жил болох гэж байна. Намайг гишүүн болохоос өмнө авсан байдаг юм.Гэхдээ асуудал үүсвэл би өөрийн эх үүсвэрээс эгчийгээ дэмжээд төлөлцөөд өгнө. Би 18 жил бизнес эрхэлсэн, 1000 ажилтантай, топ 100 ААНд сүүлийн 15 жил, шилдэг татвар төлөгчөөр 10 гаруй жил нийтдээ 300 гаруй тэрбуум төгрөг төлсөн байдаг. Сонгуулийн зардалд 400 гаруй сая төгрөг зарцуулсан. Ирэх жил гэхэд арилжааны банк руу шилжүүлнэ. Ер нь өртэй хүн алга байна. Зээл нь хэвийн ангилалдаа байгаа. Хөгжлийн банкнаас 1.2 их наяд зээлийг барьцаагүй гаргасан байна лээ. Одоо төлөгдөггүй, тэр хүмүүс чинь л над руу албаар чиглүүлж араар чимээгүйхэн өнгөрөөд байна даа” гэжээ.
