Хайрын өдөр буюу Гэгээн Валентины өдөр өнөөдөр тохиож байна. Уг баярын үүссэн түүхийг мэдэхгүй хүн ховор биз.
Товчхондоо эртний Ромын эзэнт гүрний үед хайр сэтгэлээр холбогдсон хосуудыг нууцаар адисладаг байсан Валетин хэмээх ламаас үүдэлтэй гэх бөгөөд өөрийн хууль зөрчсө н үйлдлээсээ болж ш оронд хо ригдож байх хугацаандаа шо ронгийн харга лзагчийн охин Астериусыг эмчилжээ. Валентин ца азаар авахуулахын өмнө Астериуст бичсэн сүүлийн захианыхаа төгсгөлд “Чиний Валентин” хэмээн бичсэн нь өнөөг хүртэл хайрын өдрийн уриа болж хэрэглэгдсээр иржээ.
Юутай ч хайрын өдрийг улс бүр өөр өөрөөр тэмдэглэдэг ч хосууд зүрхэн хэлбэртэй шоколад нэг нэгэндээ бэлэглэх нийтлэг шинж байдаг аж.
Тэгвэл олны танил хүмүүс хайрыг юу гэж боддогийг сонирхуулж байна.
Л.Гүндалай
Хайр гэдэг үнэн сэтгэлээсээ гарч байгаа шижир алт юм. хүний амьдралдаа амталж болох хамгийн сайхан зүйл. Амьдралын ганц утга учир юм. Бид хоёрын хувьд их энгийн. Энэ өдөр хайр сэтгэлээ тордож, сайхан үгсийг бие биендээ харамгүй хэлдэг. Би эхнэртээ хайрын улаан сарнай бэлэглэж, орой нь ориглуун дарс задлаж бас охидтойгоо хамт хоолонд ордог.
“Камертон”-ы Ганаа
Хайр гэдэг амьдралыг тэтгэгч хамгийн чухал зүйл. Миний хувьд хань, гэр бүл минь миний хамгийн том хайр.
АЖ Цэрэндагва, гэргий Мэндбаяр
Хайр гэдэг нь хоёр биендээ итгэх, ханьсах гэсэнтэй агаар нэгэн. Амьдралд байхгүй бий болгож, дутууг нөхдөг агуу зүйл. Залуус өргөн тэмдэглэдэг болжээ. Бидний үед ч Мартын 8, Цэргийн баяраар л сэтгэлээ илэрхийлдэг байлаа. Одоо бид 2 чинь эмээ, өвөө болсон улс. Тэмдэглээд сүйд болохгүй ч нэг нэгэндээ дуртай чихэр жимсээ өгөхөд баярлалгүй яахав.
“Lumino” Бажи
Үүнийг зүгээр л нэг ийм, эсвэл тийм зүйл гээд хэлчих утгагүй. Мэдээж хамгийн сайхан мэдрэмж. Хайр гэдгийг хэлэх биш мэдрэх хэрэгтэй гэж боддог. Мэдээж хайрын баяраар хамтдаа хоолонд орж, бие биенээ бэлэг өгөлцдөг. Бид 2 бие биедээ жижигхэн хэрнээ сэтгэлд үлдэхээр тийм бэлэг өгөх дуртай. Тэр нь зүрхэн хэлбэртэй байвал бүр л сайхан.
Жүжигчин Б.Амарсайхан
“Би эхнэртэйгээ танилцаад гурав хоногийн дараа түүндээ гэрлэх санал тавьж байсан юм. Алдсан хоёр хоногтоо би бүхэл амьдралынхаа туршид харамсаж явдаг” гэж нэрт жүжигчин Аль Пачино хэлжээ. Цаг хугацаа ийм хурдан, хайрлаж дурлаж, хийж бүтээхэд амьдрал ийм богинохон байдгийг мэдэрч хэлсэн байх. 
Пачино ахынх шиг 2 хоног биш ч гэсэн энэ хүнтэй ханилах тусам хамт байх цаг хугацааны үнэ цэнийг ойлгож, урд хүлээж буй мөч бүрийг нандигнан хайрлах юм.
