Бизнесийн салбараас улс төрд хөл тавьсан Б.Жаргалсайхан хэзээний л хэдэр, ёдор аашаараа олонд танигдсан. “Буян”-гийн Жагаа буюу Базарсадын Жаргалсайхан гуай энэ жил 63 настай. Насандаа баймгүй сошиалд идэхитэй амьдардаг тэрээр Улаанбаатар хотын унаган хүүхэд.
Эцэг, эхээсээ тавуулаа, айлын дундах хүү. Нийслэлийн арван жилийн 23 дугаар дунд сургуулийг 1977 онд төгсч, улмаар ЗХУ-ийн Эрхүү хотын Политехникийн дээд сургуульд Сансарын физикч мэргэжлийг эзэмшсэн.
Б.Жаргалсайхан нь хятадаас 10 төгрөгөөр худалдаж авсан багаагаа Орост 1000-аар, Сингапураас 2000 ам.доллароор худалдаж авсан видео камераа хятадуудад 4000 ам.доллараар зарах зэргээр өөрийн хөрөнгөө аривжуулсан гэдэг. Тэрбээр “Буян” компанийхаа үндэс суурийг 1987 онд тавьсан бөгөөд анх 20-иод мянган төгрөгийн дүрмийн сантай, ах дүү хамаатан саднаараа нийлж босгосон түүхтэй.
Шинэ үндсэн хуульт Монгол Улсын анхны саятан нь Б.Жаргалсайхан байсан гэгддэг. 
Тэрбээр “Ардчилсан хувьсгал эхлэх үед үсээ үхэр долоочихсон юм шиг болтол нь самначихсан амьтан Монголд ирж байлаа. Тухайн үед 600-700 мянган ам.доллар халааслаж ирэхэд Ц.Элбэгдорж, Баавараас эхлээд бүгдээрээ сураггүй гарууд байв. Нус нь гоожихсон, том хар бакаль углаж, уранхай хар пальто өмссөн юмнууд л байсан. 
Машин авч өгөхөөс эхлээд санхүүжүүлсэн. Гэтэл хэдэн үеэрээ баян байсан юм шиг худлаа бурах хэрэггүй л дээ” гэсэн удаатай.
