УДЭТ-ын “Захиргаа, удирдлагын хэлтэс”-ийн дарга, СТА, жүжигчин Б.Отгонбатыг “Найрамдалын” гэдгээр нь үзэгчид илүү танина. Учир нь тэрээр Олон улсын хүүхдийн “Найрамдал” зуслангийн захирлаар олон жил ажиллаж байсан билээ.
Өдгөө тус ажлаа хүлээлгэн өгч, УДЭТ-ын бодлогод “тархиа зориулж” яваа тэрээр өөрийн аз жаргалын тарниа олонд дэлгэжээ.
Тэрээр “Хүнд далдын хүч, бусдын дэмжлэгээс илүү өөртөө итгэх хэрэгтэй гэж боддог. Залуу хүн завгүй байх тусмаа аз жаргалтай, амжилттай байдаг гэдэг үг бий. Ажилтай байх нь амьдралтай байхын эхлэл шүү, тиймээс хийж бүтээцгээе гэж уриалах дуртай. 
Миний аз жаргалын тарни бол залуу хүн завгүй тусмаа аз жаргалтай бөгөөд амжилттай гэдэг үг” хэмээн нэгэн ярилцлагандаа дурьджээ.
