УДЭТ-ын жүжигчин, Монгол Улсын гавьяат жүжигчин Ж.Оюундарийг танихгүй мэдэхгүй хүн ховор. 
Алдарт жүжигчин Жамсранжав агсны охин тэрээр дөчин насандаа анхны амьдралаа эхлүүлж, анхны үрийн зулайгаа үнэрлэж байсан түүхтэй.
Өдгөө 50 насны босго алхсан тэрээр ганц хүүхдээ хүний дайтай явуулахын тулд ихээхэн хичээдэг гэдгээ ойр дотныхноосоо нуудаггүй.
Өөрийнхөө амьдралын талаар нэгэн хэвлэлд ярихдаа “Дөчин насанд амьдрал дөнгөж эхэлдэг гэсэн үг байдаг. Бас л нэг амьдрал туулсан хүний л үг байх. Ухаан суугаад эхлэхээрээ хүн илүү утга учиртай амьдардаг болов уу.
Гэхдээ дөчин насанд миний амьдрал үнэхээр эхэлсэн. Дөчтэйдөө хүүхдээ төрүүлсэн. Амьдрал огт өөр болдог юм билээ. Амьдралыг харах нүд өөрчлөгддөг. Ямар сайндаа ээждээ “Би хүүхэдгүй яаж өдий хүртэл явж ирсэн юм бэ.
Амьдралын баяр баясгалан энд байсан юм байна шүү дээ” гэсэн. Амьдралын шинэ өнгө төрх дөчин насанд эхэлдэг гэж үнэн” хэмээн ярьжээ.
Сонирхуулахад, жүжигчин бүсгүйн хувьд ажлын их ачааллаа тайлахын тулд шүлэг бичиж, бясалгал хийдэг гэсэн шүү.
